सागको महिला क्रीकेटमा बङ्गलादेशद्वारा माल्दिभ्सलाइ 6 रन मै अल आउट

समाचार

१३ औं दक्षिण एसियाली खेलकुद (साग)को महिला क्रिकेटमा माल्दिभ्सको नाममा क्रिकेट इतिहासमै सबैभन्दा लाजमर्दो रेकर्ड कायम भएको छ । महिला टि–२० अन्तर्राष्ट्रियमा सबैभन्दा कम स्कोरमा अलआउट भएको रेकर्ड माल्दिभ्को नाममा दर्ता भएको हो ।आज भएको बंगलादेशविरुद्धको खेलमा माल्दिभ्स ६ रनमै अलआउट भएको छ । आजको खेलमा बंगलादेशले माल्दिभ्समाथि २४९ रनको फराकिलो जित हात पारेको छ । शुक्रबार पोखरामा भएको खेलमा बंगलादेशले निर्धारित २० ओभरमा २ विकेट गुमाएर २५५ रन बनाएको थियो । उसका निगर सुल्तानाले अविजित ११३ र फार्गाना होकले अविजित ११० रन बनाइन् ।जवाफमा मैदान उत्रिएको माल्दिभ्सले मात्र ६ रन बनाउँदा सबै विकेट गुमायो । यससँगै माल्दिभ्सले टी–२० महिला क्रिकेटको खराब रेकर्डसँग बराबरी गरेको छ । १८ वजवरी २०१९ मा रुवाण्डाविरुद्ध भएको खेलमा मालीले ६ रनको न्यून स्कोर बनाएको थियो ।

यो पनि:-प्युठानको खलंगामा मल्लरानी ब्याड्मिन्टन कप प्रतियोगिता उपाधि प्युठान नगरपालिका टिमले जित्न सफल भएको छ ।राष्टका लागि खेलकुद स्वास्थ्यका लागि खेलकुद भन्ने मुल नाराका साथ र मल्लरानी ब्याडमिन्टन कप खेल व्यवस्थापन समिति खलंगा प्युठानको आयोजनामा सन्चालन भएको प्रतियोगितामा प्युठानका २१ टिमले सहभागिता जनाएको थिए । नक आउट चरणमा खेलाइएको खेल जित्दै मल्लरानी टिम र प्युठान नगरपालिकाका टिमबिच उपाधिका लागि प्रतिस्पर्धां भएको थियो जसमा प्युठान नगरपालिकाको टिेमले मल्लरानीको टिमलाइ ३–० को सोजो सेटमा पराजित गर्दै उपाधि हात पार्न सफल भयो । प्रथम हुन सफल प्युठान नगरपालिका टिममा कृष्ण बहादुर श्रेष्ठ र बिनोद न्यौपाने रहेका थिए । त्यस्तै दितिय स्थान हासिल गर्न सफल मल्लरानी टिममा चन्द्र गुरुङ र जिवन रावत रहेका थिए त्यसैगरी तेस्रो स्थानमा पर्न सफल टिममा खिर बहादुुर डागि र भिम बहादुर बिक रहेका थिए ।

काठमाडौं, असोज १५ गते । सरकारले मुख्य सचिवमा शंकर वैरागीलाई नियुक्त गरेको छ । आज बसेको मन्त्रिपरिषद्को बैठकले सो निर्णय गरेको हो त्यस्तै अमेरिकाका लागि नेपाली राजदूतमा डा. युवराज खतिवडाको नाम सिफारिस गरेको छ भने बेलायतका लागि नेपाली राजदूतमा लोकदर्शन रेग्मीको नामा सिफारिस गरेको महिला बालबालिका तथा ज्येष्ठ नागरिकमन्त्री पार्वत गुरुङले बताउनुभयाे । वैरागी हाल परराष्ट्र सचिव हुनुहुन्छ भने लाेकदर्शन रेग्मी मुख्यसचिव हुनुहुन्छ । त्यस्तै डा.खतिवडा केही समय पहिलेसम्म अर्थमन्त्री रहनुभएकाे थियाे ।

बाजुरा, असोज १४ गते । बाजुराको बूढीगङ्गा नगरपालिका –१ मा रहेको धुरालसैन माध्यमिक विद्यालय पहिरोको उच्च जोखिममा रहेको छ । असारदेखि लागतार परेको पानीका कारण विद्यालयको अगाडी पछाडी दुवै ठाउँबाट पहिरो गएपछि विद्यालय जोखिममा परेको हो । पहिरोका कारण फोरेष्ट्री कृषि ल्याब पढाइ हुने चारकोठे भवन र कक्षा १ देखि ५ सम्मका बालबालिकाहरूलाई पढाइ हुने कर्टटपाताले छाएको पाँचकोठे भवन निकै जोखिममा रहेको शिक्षक अर्जुन थापाले बताउनुभयो । उहाँले भन्नुभयो, ‘पहिरोका कारण विद्यालयमा रहेका कम्प्युटर, पाठ्यपुस्तक तथा प्राविधिक शिक्षा पढाइका लागि आवश्य हुने सिकाइ सामग्रीलगायत सामान नोक्सानी हुँदा लाखौँको क्षति भएको छ ।’ विद्यालयमा रहेका चारवटा शौचालय पनि भत्किएका छन् । शौचालय भत्किएपछि अहिले विद्यार्थीहरूलाई दिसा पिसाब गर्न निकै समस्या भएको शिक्षक थापाले बताउनुभयो । ‘सामाजिक दुरी कायम गर्दै पठन पाठन कार्य सुरु गरेका छौँ, तर विद्यालय भने पहिरोको निकै जोखिममा रहेको छ । विद्यार्थीहरूलाई अन्य बसाल्ने कतै ठाउँ छैन । पढाइ सुरु गरेपनि बसाइमा भने निकै समस्या भएको छ ।’ धुरालसैन माविका प्रधानाध्यापक महासिंह थापाले भन्नुभयो । उहाँले भन्नुभयो, ‘यो समस्या सहजताका लागि वडा तथा नगरपालिकामा दुवैमा निवेदन दियौँ तर अहिलेसम्म कतैबाट पनि सुनुवाइ भएको छैन ।’

Leave a Reply

Your email address will not be published. Required fields are marked *